التوكيل العام في القضايا بيدّي المحامي الحق إنه يرفع كل القضايا باسمك، ويدافع عنك في القضايا اللي مرفوعة منك أو ضدك، ويقوم بأعمال كتير مرتبطة بيها، زي الإقرار بالتصالح أو استلام الأوراق من المحضرين.
تعمله إزاي؟
من منصة مصر الرقمية تقدّم طلب «تحرير توكيل عام في القضايا (عن نفسه)»، وتحتفظ برقم الطلب، وتروح مكتب أو فرع التوثيق في اليوم والميعاد اللي اتحددلك.
الشروط
- بطاقة الرقم القومي للطرفين سارية.
- لازم تدخّل الرقم القومي للطرف التاني.
- طالب الخدمة يكون من الأطراف الأولى في المحرر.
- في توكيل القضايا، الطرف التاني يكون محامي أو قريب لحد الدرجة التالتة.
- لو التوكيل لأكتر من طرف، تحدد هما «مجتمعين» ولا «منفردين».
المستندات
- بطاقة الرقم القومي للطرف الأول.
- الرقم القومي لكل أطراف التوكيل.
المصدر: صفحة الخدمة في مصر الرقمية.
آخر تحديث: